Թաթարստանի Նիժնեկամսկ քաղաքում վիրաբույժները 5 տարեկան աղջկա ստամոքսից եւ աղիքներից մեկ մետրանոց մազափունջ են հանել ։ Այդ մասին հաղորդում է Kazanfirst պարբերականը։
Աղջկան հոսպիտալացրել են որովայնի ցավերի եւ սրտխառնոցի պատճառով։ Հետազոտությունն աղջկա ստամոքսում եւ տասներկումատնյա աղիքում հայտնաբերել է մազերի հսկայական փունջ։
Պացիենտին ուղարկել են շտապ վիրահատության, որի ընթացքում վիրաբույժներին հաջողվել է հանել մազերի հսկայական փունջ, որը կշռել է 300 գրամ եւ ունեցել է մոտ մեկ մետր երկարություն։
Ներկայումս աղջիկն իրեն լավ է զգում եւ պատրաստվում է դուրս գրվել։
Վիրաբուժական №1 բաժանմունքի վարիչ Ալեքսեյ Սպիրիդոնովը նշել է, որ նման պաթոլոգիա հազվադեպ է հանդիպում եւ ավելի հաճախ՝ աղջիկների մոտ, որոնք ծամում եւ կուլ են տալիս մազեր, բրդյա թելեր եւ այլն։ Արդյունքում մարսողության օրգաններում ձեւավորվում է «մազե ուռուցք»՝ բաղկացած մազերից, ստամոքսահյութից եւ կերակրի մնացորդներից։
Նման խնդիր կարող է ի հայտ գալ նաեւ այն երեխաների մոտ, որոնք ծամոն կամ պլաստիլինի կտոր են կուլ տալիս։
Հետևեք NEWS.am Medicine-ին Facebook-ում և Twitter-ում